Tudu skolas ki ta partisipa na National School Lunch Program ta oferesi rifeisons gratis na skola. Keli ta inklui tudu skolas publiku i maioria di skolas indipendenti di Massachusetts.
Stay Full. Eat at School.
There is NO COST for any student to receive school lunch at schools participating in the National School Lunch Program. There is no cost for breakfast or a snack either at schools where they are available.
Ta Sirbi Massachusetts
School Meals
Vizon Jeral
Kafe di manha Gratis na Skola + Almosu Gratis na Skola
Kafe di manha i Almosu na Skola sta disponivel di grasa pa TUDU studanti na Massachusetts es anu di skola (2022-2023)! Keli ta inklui tudu skolas ki sta ta partisipa na National School Lunch Program.
Sobri School Meals
Oras ki aula kumesa, priokupason ku kumida debi kaba :)
Rifeisons gratis na skola e un soluson uniku pa fazi vida di pais mas sinplis i vida di kriansas mas alegri, sabi, i orientadu pa kumunidadi.
Kafe di manha i almusu podi ser nisidadis, mas ka signifika ma es ka podi ser divirtidu, tanbe. Tudu alguen ta kume—i e midjor oras ki nu fazel djuntu.
Notisias Spetakular
Rifeisons na Skola e gratis pa Tudu Studanti na Massachusetts duranti Anu di Skola 22-23
Universal Free School Meals foi estendidu na Massachusetts pa anu di skola 2022-2023! Ka ta bai ten ninhun kustu pa familias pa kualker studanti pa risebi almusu na skolas ki sa ta partisipa na National School Lunch Program. Ka ten kustu pa kafe di manha nen pa lanxi na skolas undi ki es sta disponivel.
Benefisius di School Meals
Tra un kuza di bu pratu, i na mesmo tempo garanti ma di ses sta xeiu.
- Ta popau tenpu — fora di kama i fora di porta!
- Ta popau dinheru — un media di $1,000 pa anu/pa kriansa.
- Aumenta rendimentu pa skola di bu fidju — ki e reinvistidu na midjora prugrama di alimentason di bu fidju.
- Ta kebra bareras i stigma — mas studantis ta kume rifeisons na skola ta djuda kebra bareras i stigma pa otus kriansas ki ta kume na skola.
Fla bu Fidju pa Toma Kafe di Manha Gratis i Avontadi na Skola Tudu Dia di Sedu!
Kontakta skola di bu fidju pa sabi mas sobri prugrama di kafe di manha gratis
Benefisius di toman kafe di manha na skola
Mas primeru, Kafe di Manha!
E mutu mas fasil muda mundu ku bariga xeiu. Kafe di manha e fazedu sabi tudu dia pa studantis na munti skola, i ta ser oferesedu pa tudu studantis sen kustu pa anu 2022-2023 na skolas ki sta ta partisipa na School Breakfast Program! Oras ki bu studantis kumesa ses dia ta kuma kafe di manha na skola, es ta ten:
- Midjor Produtividadi — rijistus ta mostra ma studantis ki ta kume kafe di manha ten mimoria midjor (midjor pa toma exames), konportamentu midjor, i midjor rijistu di prizensa na skola.
- Midjor Saudi — para “raiba pamodi fomi" antis di ki e kumesa i diminui risku di obesidadi.
- Sedus Midjor — menus un kuza pa bu priokupa kol, ki e un kuza ki ka ten presu.
Purguntas Frikuenti
Almusu e gratis pa tudu studanti i ta dadu na tudu skola ki ta partisipa na National School Lunch Program. Txeu skolas ta oferesi kafe di manha i alguns ta oferesi un lanxi tanbe. Si skola di bu fidju ta da almusu, kafe di manha, i un lanxi, tudu sta disponivel di grasa. Si bu ka ten serteza ki rifeisons ki skola di bu fidju ta da, kontakta distritu di bu skola diretamenti pa diskubri.
Sim, pa anu di skola 2022-2023, skolas sa ta funsiona normalmenti i rifeisons gratis na skloa sta disponivel na skola pa tudu studantis.
- Pa studanti ki sa ta frikuenta skola pesoalmenti, rifeisons ta dadu na skola Sigunda Fera ti Sexta Fera na dias di skola.
- Alguns distritus di skola podi oferesi rifeisons Grab & Go (panha i bai, na Kriolu) gratis pa studantis ki sta na kuarentena pamodi COVID-19 o otu sirkunstansia spesial. Kontakta distritu lokal di bu skola pa sabi si es sta ta oferesi alguns tipu di rifeison Grab & Go (panha i bai, na Kriolu).
Sim, distritu di bu skola ta ten rifeisons gratis na skola asesivel pa studantis ki sta na kuarentena pamodi spozison a COVID-19. Si keli kontisi, kontakta bu skola pa sabi modi ki bu podi risebi rifeisons.
Sim, favor. Apezar ki stadu di MA ten estendido rifeisons universal, inda e txeu inportanti pa tudu familias pa prenxi Household Application for Free and Reduced Price Meals anualmente. Es formulariu ta pirmiti distritus di skola pa sirbi familias di midjor manera na stabilesi elejibilidadi pa otus prugramas inportanti sima benefisius P-EBT, izenson di taxa pa prugramas/sirvisus pa distritu di skola (disididu por kada distritu di skola), i mas. Pa atxa inskrison, vizita site di bu distritu o kontakta School Nutrition Department na bu distritu.
Si bu fidju partisipa na rifeisons gratis na skola e ka ta sta ta toma rifeison di ninhum outro pessoa – na verdadi – e ta djuda otus kriansa i familias ki mas mestel! Tudu familias e inkorajadu pa tra vantaji di rifeisons gratis na skola pamodi e ta:
- Ta popau tenpu i dinheru
- Aumenta rendimentu pa skola di bu fidju
- Ta kebra bareras i stigma pa otus kriansas ki ta kume rifeisons na skola
Sim, rifeisons di skola ta izijidu pa sigui un padron federal di rifeison ki ta inklui kuantidadi spesifiku di frutas, vejetal, i grans. Rifeisons na skola ten ki atinji limiti pa sodiu, gordura saturadu, i kaloria jeral. Menus frikuentimenti ta poi kumida di lokalidadi pa suporta ortas, pexerus, i otus produtoris di komunidadis lokal.
Si bu ta mora na Massachusetts i bu mesti asistensia alimentar, kumesa ta txoma pa Linha Diretu di Project Bread's FoodSource oji na 1-800-645-8333 o vizita nos pajina Get Help pa sabi mas.
Nu podi pou en kontaktu ku prugramas ki ta bai djudau ten dinheiro pa konpras di kumida i djudau poi kumida na meza.
Txomanu e senpri gratis, i konfidensial. Nos kounselherus podi djudau na:
- Sabi si bu podi risebi SNAP (asistensia finanseru pa konpras) i djudau inskrevi oji!
- Atxa rifeisons gratis pa bus fidjus na bu kumunidadi
- Sabi modi ki bu podi uza bus benefisius di HIP
- Atxa prugramas di rifeison i dispensas di kumida
- i mas...
Si bu risebi benefisius P-EBT, ten bon xansi di bu kualifika pa benefisius di SNAP, txomanu oji i nos konselherus ta ben pre-silesionau pa SNAP pa sabi si bo e elejivel.