Rikursus di Alimento i Asistensia
Pa kualker alguen ki ten difikuldadi ku paga pa kumida duranti es tenpu difisil, ten txeu prugramas lokal i nasional ki podi djudau.
Pa kualker alguen ki ten difikuldadi ku paga pa kumida duranti es tenpu difisil, ten txeu prugramas lokal i nasional ki podi djudau.
Senpri di grasa i konfidensial pa tudu moradoris di Massachusetts, nos konselherus especialistas sta prontu pa ajuda kualkuer pessoa ki txomas na 180 línguas. Nos Linha Diretu pa FoodSource ta oferesi asistensia gratis, spesializadu na intendi ki prugramas sta disponivel pa djudau bai paralen di so paga kontas, aumenta bu orsamentu pa kumida, i alimenta bu kabesa o bu familia dretu. Es podi djudau ten asesu a rikursus di kumida lokal i prugramas federal di nutrison. Es podi flau si bu ta kualifika pa SNAP - ki e konxedu pa dinheru pa kumpra kumida - i djudau inskrevi, undi ki bu podi atxa rifeisons gratis pa bus fidjus, i txeu otus prugramas pa alimentason. Ben nu ben papia!
Prendi MasTudu rifeison na skola e di grasa pa tudu studanti na MA na prosimu anu di skola (2022-2023). Nu ta insentiva tudu pais pa tra vantaji di es oferta, pa popa tenpu i dinheru, i dau paz di spritu na konxi un fonti confiavel di kumida ki e parti di dia a dia na skola di bu fidju.
Rifeisons gratis sta disponivel pa TUDU kriansas & adolesentis, ku idadi entri 0-18, na sentenas di lokals na Massachusetts duranti kes meses di veron. Ninhun rijistu o identifikason e obrigatoriu, i lokals di rifeison sta lokalizadu na stadu interu. Atxa un lokal pertu di bo.
Ka inporta kuze ki bu sa ta pasa pa el, kumida e un nisisidadi. SNAP signifika Supplemental Nutrition Assistance Program (antis konxedu pa food stamps), i tanbe konxedu pa dinheru pa kumpra kumida. Es prugrama simples e fetu pa ta da asistensia finanseru mensal na forma di un karton di debitu ki podi ser uzadu pa kumpra kumida. Bu ten ki inskrevi pa bu risebi SNAP. Nos konselherus di Linha Diretu di FoodSource podi djudau sabi si bo e elijivel i djudau inskrevi. Txomanu oji (e senpri gratis), o bu podi inskrevi di bo pa bo na interneti atraves di DTA Connect.
WIC e un prugrama di nutrison ki ta prove kumida saudavel, idukason nutrisional, apoiu na da mama, i indikason pa sentru di saudis i otus sirvisus, di grasa, pa familias di Massachusetts ki ta kualifika. Objetivu di WIC e djuda kriansas ku menus di 5 anos di idadi, pessoas ki sta gravida, i kes kaba di pari o sta ta da mama pa manti saudavel. TUDU Prugramas di WIC sa ta oferesi tudu sirvisus pa tilifoni duranti pandemia. Site di WIC ten informason atualizadu i pesoas podi kontakta prugramas WIC na ses local ku kualker purgunta sobri amamentason, nutrison, i fazi konpra. WIC sta disponivel pa tudu familia indipendenti di status di imigrason o sidadania. Djobi pajina di elejibilidadi di WIC pa sabi modi ki familias podi inskrevi online pa sirvisus di WIC. Pesoas ki ta risebi SNAP i txeu otus tipus di MassHealth automatikamenti e elejivel pa WIC. Pais, avos i pais adotivus podi inskrevi kriansas ku idadi mas poku ki sinku anu di idadi ki es ta kuida del.
Prugrama di The Pandemic - Electronic Benefits Transfer (P‑EBT) foi kriadu temporariamenti na Primavera di 2020 pa oferesi finansiamentu pa familias ku un studanti ki e elejivel pa rifeisons gratis o ku diskontu na skola, i ki sta matrikuladu na un mudelu ibridu o rimotu di skola. Es finansiamentus djuda familias tem di novo rifeisons ki ses studanti staba ta falta na skola na kes dias ki staba e fitxadu pamodi pandemia. Baziadu na regras federal, studantis ki sta ta frikuenta skola pesoalmenti ka e elejivel pa P-EBT. Familias elejivel pa benefisius P-EBT ta sta notifikadu pa kureiu i ta risebi es benefisius automatikamenti. Ka ten inskrison pa risebi P-EBT. Baziadu na regras federal, familias ta risebi kuantidadi variavel di P-EBT.
Dispensas di kumida ta oferesi konpras di kumida di imerjensia gratis pa pesoas i familias na ses kumunidadi lokal. Djobi links na direita pa atxa un pertu di bo ki podi dau aliviu imediatu o txoma Linha Diretu di Project Bread's FoodSource pa risebi un lista di dispensas pertu di bo.
Meals on Wheels e un prugrama ki ta oferesi rifeisons ben balansadu pa adultos atraves di intrega na kaza o lokal di jantar konjuntu, i e ta jerensiadu pa ajensias di nutrison pa guentis grandi lokalizadu na diferenti partis di Massachusetts. Si bu mesti alguns rifeisons intregadu na kaza, ekipa ta marka un konsulta pa avaliason di rifeison intregadu na kaza.